2013 жылы Жамбыл облысының білім беру ұйымдарына 122 жас маман жұмысқа тұрды
7 Қазан, 2013 18:34
Жамбыл облысында 2013-2014 оқу жылында жұмысқа 122 жас маман қабылданды, ауылдық мекемелерге-92, қалалық мектептерге-30 ұстаз, деп облыс әкімдігінің баспасөз қызметі хабарлады.
2012-2013 оқу жылы білім мекемелеріне 375 жас маман қабылданды, оның 160-ы ауылдық мектептерде қызмет істеуде.
«Ауылдық жерде жұмысқа орналасқан жас мамандарға 113 мың 260 теңге көлемінде әлеуметтік көмек көрсетіледі», - деп хабарламада нақтыланды.
Сонымен қатар, 92 ауыл ұстазына 121 мың 170 теңге көлемінде әлеуметтік көмек көрсетілді. Жыл сайын әлеуметтік көмекті жүзеге асыру үшін ауылдық жас мамандар үшін 150 АЕК көлемінде тұрғын үй несиесі беріледі.
