Президент Қазақстан халқы Ассамблеясының жиырма екінші сессиясын шақыру туралы өкімге қол қойды
19 Наурыз, 2015 20:58
ҚР Президенті Нұрсұлтан Назарбаев Қазақстан халқы Ассамблеясының жиырма екінші сессиясын шақыру туралы өкімге қол қойды, деп хабарлады Ақорданың баспасөз қызметі.
«Қазақстан халқы Ассамблеясының жиырма екінші сессиясы 2015 жылғы 23 сәуір күні Астана қаласында «Мәңгілік Ел: бір ел - бір тағдыр» күн тәртібімен шақырылсын. Қазақстан Республикасының Үкіметі Қазақстан халқы Ассамблеясының жиырма екінші сессиясын өткізуді ұйымдастыру жөнінде шаралар қабылдасын», - делінген өкімде.
