ҚР-да 2014 жылы өндіріс қалдықтарын басқару бағдарламасын құрастыру жоспарлануда - ҚОҚМ
7 Қазан, 2013 16:40
Қазақстанда 2014 жылы өндіріс қалдықтарын басқару бағдарламасын құрастыру жоспарланып отыр, деп Қоршаған ортаны қорғау министрлігінің баспасөз қызметі хабарлады.
«2014 жылы өндіріс қалдықтарын басқару бағдарламасын құрастыру жоспарланып отыр. Өндіріс қалдықтарын жүйелейтін инфрақұрылымдар мен мекемелерді тұрғызу көзделіп отыр», - деп хабарламада көрсетілген.
Атап өтілгендей, құрастырылған бағдарлама қатты қалдықтарды басқару жүйесіне бағытталады, оған қоса аталмыш үрдіс ҚР экологиялық заңнамасына сәйкестендіріледі.
Қалдықтарды басқару мен жоюға «Жасыл Даму» АҚ 100 пайыздық көрсеткіште қатысады.
«2014 жылы республикалық сот өз меншігіне айналдырған зиянды қалдықтарды жою жұмысы басталады. Жұмыс Қостанай, Қарағанды, Ақтөбе облыстарынан бастау алады», - деп хабарламада жазылған.
