Ерейментауда кәсіпкерлікті қолдау орталығы ашылды (Фото)
18 Наурыз, 2015 17:27
Ерейментау қаласында Кәсіпкерлікті қолдау орталығы ашылды, деп хабарлады Облыстың ішкі саясат басқармасы жанындағы «Ақмола Медиа» орталығы.
Ашылудың мақсаты – аудандық және облыстық деңгейді барлық қызмет түрін көрсететін инфрақұрылымды құру, ол жас кәсіпкерлер мен тәжірибелі кәсіпкерлерге бірдей болмақ.
«Орталықта бірқатар қызмет түрі көрсетіледі: ол шағын және орта бизнеске қаржылай және қаржылай емес көмек көрсету, кәсіпкерлердің қызығушылығы мен құқығын қорғау, бизнесті ашуды қолдау және дамыту», - делінген хабарламада.
Ашылу салтанатында аудан әкімі Ермек Нұғыманов өзге аудандармен салыстырғанда Ерейментау ауданында аталмыш сала соншалықты дамымаған, сол үшін белсенді жұмыс жасау керек. Ол орталықтың жұмысына сәттілік тіледі.
