АӨК саласындағы қаржылай сауықтыру шаралары 25 мың жұмыс орнын сақтап қалды – АШМ (Фото)

«АӨК субъектілерінің берешектері бойынша қаржылай сауықтыру бағдарламасында сыйақы мөлшерлемесінің жалпы сомасын екі есеге төмендету, 25 мыңнан астам тұрақты жұмыс орынын сақтап қалу үшін жағдай жасалынып отыр. Мұнымен бірге, есептен шығарылған айыппұл мен өсім ақыларының көлемі шамамен 2,8 млрд. теңгені құрайды.Жалпы, Министрлікпен жүргізіліп отырған шара өзінің экономикалық мақсаттылығы мен оны әрі қарай жүзеге асыру қажеттілігін көрсетті, ол АӨК субъектілері, сондай-ақ қаржы институттарының тарапынан тудырып отырған қызығушылықпен айқындалуда», - деді Е.Көшербаев.

«Осы шараны 2013-2014 жылдары жүзеге асыу қорытындысы бойынша жалпы берешек сомасы 313 млрд. теңгеге 292 АӨК субъектілерінің өтінімдері мақұлданды. Бағдарламаға ірі агроқұрылымдармен қатар шағын және орта агробизнес өкілдері де қатысты», - деді «ҚазАгро» департамнтінің директоры Әлібек Құдайбергенов.

 Қазақстан Республикасы Үкіметінің кеңейтілген отырысында Мемлекет басшысы  АӨК субъектілерін сауықтыратын  берешек сомасын 500 млрд. теңгеге дейін ұлғайтуды тапсырды.

«АӨК саласындағы мәселелі несиелердің көлемін азайту, олардың несиелік салмағын төмендету мен банкроттыққа ұшырау қауіпін барынша төмендету мақсатында 2013 жылдан бастап ҚР Ауыл шаруашылығы министрлігі АӨК субъектілерін қаржылық сауықтыруды жүргізуде», - деді ол.

Вице-министрдің ақпараты бойынша, бүгінгі таңда ведомство 5 ірі агрохолдинг пен қалыртасу компанияларын қарастыруда.

Камила Амирова