ҚР-ның Чехия, Әзірбайжан мен Қырғызстандағы елшілері тағайындалды
«Мемлекет басшысының Жарлығымен Амангелді Жұмабаев Қазақстан Республикасының Әзербайжан Республикасындағы Төтенше және Өкілетті Елшісі қызметінен босатылды», - делінген хабарламада.
Сонымен қатар, ҚР Президенті Нұрсұлтан Назарбаевтың Жарлығымен:
Сержан Оралбайұлы Әбдікәрімов Қазақстан Республикасының Чех Республикасындағы Төтенше және Өкілетті Елшісі қызметіне тағайындалды;
Бейбіт Өксікбайұлы Исабаев Қазақстан Республикасының Әзербайжан Республикасындағы Төтенше және Өкілетті Елшісі қызметіне тағайындалды және ол Қазақстан Республикасының Қырғыз Республикасындағы Төтенше және Өкілетті Елшісі қызметінен босатылды;
Айымдос Ерсайынұлы Бозжігітов Қазақстан Республикасының Қырғыз Республикасындағы Төтенше және Өкілетті Елшісі қызметіне тағайындалды және ол Қазақстан Республикасының Армения Республикасындағы Төтенше және Өкілетті Елшісі қызметінен босатылды.
