• Басты
  • Астанада «Балалардың көзімен «ЭКСПО-2017» тақырыбында халықаралық ғылым және техника форумы өтеді
7 Қазан, 2013 12:30

Астанада «Балалардың көзімен «ЭКСПО-2017» тақырыбында халықаралық ғылым және техника форумы өтеді

Елордада 8-9 қазан аралығында «Балалардың көзімен «ЭКСПО-2017» тақырыбында «Мектептен бастап ғылымға» атты ғылыми-тәжірбиелік халықаралық ғылым мен техника форумы өтеді, деп хабарлайды ҚР Білім және Ғылым министрлігі.
Астанада «Балалардың көзімен «ЭКСПО-2017» тақырыбында халықаралық ғылым және техника форумы өтеді

«ҚР БҒМ қосымша білім беру республикалық оқу-әдістемелік орталығы «Балалардың көзімен ЭКСПО-2017» тақырыбында «Мектептен бастап ғылымға» атты ғылыми-тәжірбиелік халықаралық ғылым мен техника форумын өткізеді», - делінген ведомство хабарламасында.

Форум аясында ғылыми-техникалық туындылар мен «Балалардың көзімен ЭКСПО-2017» тақырыбында «Идеялар. Жобалар. Туындылар» инновациялық жоба мен роботты техника көрмесі өтеді.

Сонымен қатар, «Балалардың шығармашылығындағы  ғылыми-техникалық даму үрдісі мен болашағы және қиындықтары» ғылыми-тәжірбиелік конференциясы,  жаратылыстану бағытындағы  ғылыми-техникалық зерттеу жұмыстары бойынша байқау өткізіледі.  Жас ғалымдар отандық және шет елдік білікті ғалымдардан мастер-класс дәрістерін алады.

 

Барлық жаңалықтар