Алматыда бос жұмыс орын жәрмеңкесінің маусымы ашылды

Қала әкімдігі хабарлағандай, осы жылы  жұмыссыз жүрген алматылықтарды еңбекпен қамтуға мегаполистің ең жас Наурызбай ауданы құлшыныс білдірді. Мысалы, 14 наурыз күні «Арзан» СО аумағында жұмыс іздеушілерге 10-нан астам ұйым өздерінің 150 ұсынысын берді. Бұл ұйымдар - құрылыс- монтажбен, өндіріспен, жобалау- іздестіру жұмыстарымен айналысатын компаниялар. Қаладағы №1,7 клиникалық ауруханалар да өздеріндегі бос орындарды жария етті. Бұл Науырзбай ауданында өткізіліп отырған алғашқы шара, оған 200 жуық адам келді.

«Нұр Отанның» Алатау аудандық филиалы эстафетаны дереу қабылдады. Мұнда да бос орын жәрмеңкесі наурыздың 15 күні «Алатау» базары аумағында өтті. 11 жұмыс беруші өздеріндегі бос орындарды ұсынды, мұнда негізінен құрылыс компаниялары, сауда, көлік-экспедиторлық компаниялар, «АлматыЭлектроТранс» ЖШС, сонымен қатар № 4 балалар емханасы, КГУ №164 және басқалары болды. Жалпы бұл күні 45 вакантты орын ұсынылып, шараға 100-ден астам адам қатысты.

Мұндай шараларды өткізудегі мақсат - жұмыссыздар санын азайту, әлеуметтік хал-ахуалды жақсарту.

Өткен 2014 жылы осындай 10 жәрмеңке өткен болатын, олардың 2 мүгдедектерге арналды, 2 жәрмеңке жОО бітірушілерге арналып «Карьера начинается здесь!», «Найди работу своей мечты!»деген айдарлармен өтті. «Жол картасы жұмыспен қамту - 2020» бағдарламасы бойынша 6 жәрмеңке өткен еді.

2014 жылы мұндай жәрмеңкелерге 621 жұмыс ұсынушы мен жұмыс іздеген 6,0 мыңнан астам адам қатысып, 4,4 мыңнан астам вакантты орын ұсынылды. Шара қорытындысы бойынша 363 адам жұмыспен қамтылды және 85 адам кәсіби дайындыққа және қайта дайындыққа жіберілді.