Алматыда бұлтты технология саласында жұмыс істейтін деректерді өңдеу орталығы іске қосылды
7 Қазан, 2013 12:22
5 қазан күні Алматыда «Алатау инвестициялық технологиялар саябағы» арнайы аумағында «Инфокоммуникациялы деректерді өңдеу» орталығы салтанатты түрде ашылды. Шараға Көлік және коммуникация министрі Асқар Жұмағалиев қатысты, деп «Қазақтелеком» АҚ қоғаммен байланыс қызметі хабарлады.
«Мемлекет басшысы Н.Назарбаевтың тапсырмасы бойынша «Инвестициялық технологиялар саябағын» дамыту және «Ақпараттық Қазақстан-2020» бағдарламасын жүзеге асыру мақсатында «Қазақтелеком» АҚ «Инфокоммуникациялы деректерді өңдеу орталығы» инвестициялық жобасын іске қосты, - деп хабарламада нақтыланған.
Деректерді өңдеу орталығының базасында бұлтты концепциялардың: бұлтты платформа, деректерді сақтау жүйесі мен бизнестің бағдарламалық қамтамасыз етілуі қарастырылады.
Сонымен қатар, орталықта барлық жұмыс істейтін жүйелердің сақталуы назарға алынды,
Орталықтың SDP-платформасы «Қазақтелекомның» барлық инфрақұрылымын қамтамасыз етеді.
