KEGOC Өзбекстан энергожүйесінен бөлек жұмыс істеуге көшуді ұсынды

Қазіргі таңда Қазақстанның бірыңғай  электроэнергия жүйесі Ресейдің бірыңғай электроэнергия жүйесі мен Орталық Азия энергожүйесі бірлестігімен қатар жұмыс істейді. Өзбекэнерго жүйесінің тепе-теңдіксіз жұмысы мен қуаттың жоспарға сай алынбауы апатқа қарсы автоматика жұмысы мен Қазақстанның оңтүстік өңірлеріндегі тұтынушыларға электроэнергияның сөніп қалуына алып келеді. 

Былтырғы күзгі-қысқы кезеңде 4 рет «Солтүстік – оңтүстік Қазақстан» транзитінің бөлінуі орын алды. 1300-дан астам апатқа қарсы автоматика іске қосылды. Аталмыш жағдай Ресей энергожүйесі мен Қазақстан энергожүйесінің қатар жұмыс істеуіне кері әсерін тигізеді», - делінген хабарламада.

Сонымен қатар, Биылғы жылдың басынан бастап «Өзбекэнерго» тарапынан қарызды қайтарылмай,келісімшарт қатынастары реттелмеген.

Жәнеде 2500 МВТ-тық, қаржылай түрде шамамен 10 млн доллардан асатын қуат күшінің реттелуіне қатысты келісімшартқа қол қойылмаған, жоспардан тыс  Қазақстан электроэнергия жүйесінен алынған 7 млн доллар көлеміндегі электроэнергия төленбеген.

Естеріңізге сала кетейік, «KEGOC» АҚ Қазақстанның біріңғай электроэнергия жүйесі қызметін атқарады. Компания 35,5 ГВА-лық трансформатор күшімен 46 электростанция мен ұзындығы 24,5 мың км 110-1150 кВ қуатымен электротасымалына иелік етеді.