«Ауыл» партиясы Н.Назарбаевтың кандидатурасын қолдады

13 Наурыз, 2015 15:22

Бүгін Астанадағы «Думан» қонақ үйінің мәжіліс залында «Ауыл» социал-демократиялық партиясы өздерінің кезектен тыс IX съезін өткізді.

Сьезді партия төрағасы Ғани Қалиев ашып, өзі жүргізіп отырды. Негізгі көтерілген мәселе 26 сәуірде өтетін кезектен тыс өтетін президент сайлауы болды.

Саяси аренада 10 жылдам астам тарихы бар партияның съезіне еліміздің әр өңірінен 100-ден астам делегат келіп қатысты. Жиында сөз алғандардың барлығы дерлік «Нұр Отан» партиясының XVI съезінде кезектен тыс президент сайлауына ұсынылған Нұрсұлтан Назарбаевтың кандидатурасына қолдау білдірді. Ортаға шығып сөз алғандардың қатарында Қазақстанның халық әртісі Нұрғали Нүсіпжанов, академик Серғазы Әдекенов, экс-депудат, қоғам қайраткері Ерасыл Әбілқасымов секілді белгілі тұлғалар болды. Олардың барлығы да Елбасының кандидатурасын құп көретіндерін жеткізді.Партия төрағасы Ғани Қалиев дауысқа салған кезде, дегаттардың барлығы бір ауыздан бұл ұсынысты жақтап шықты.

Осылайша, «Ауыл» партиясы бұл сайлауда да өздері үміткер ұсынбайтындарын мәлімдеді. Партия мүшелерінің шешімі бойынша алдағы сайлауда Елбасы Нұрсұлтан Назарьбаевтың кандидатурасын қолдайтын болады.

Барлық жаңалықтар