• Басты
  • Әуе қорғанысы күштерінің кіші сержанттар құрамының 100 сарбазы әскери жиында болып қайтты

Әуе қорғанысы күштерінің кіші сержанттар құрамының 100 сарбазы әскери жиында болып қайтты

14 Наурыз, 2015 11:27
Биылғы жылы әуе қорғаныс күштері қолбасшылығының кіші сержанттар құрамының білімі мен біліктілігін арттыруға бағыталған әскери жиын әуеден қорғану әскери бригадасының басқармасында өтті, деп хабарлайды Қорғаныс министрлігінің баспасөз-қызметі.

Бүгінгі таңда әуе қорғаныс күштері саласындағы оқу-материалдық базасының кеңеюіне және әскери бөлім қолбасшылығының жеке құрамның кәсіби деңгейін көтеруге деген ынта-ықыласының арқасында бұл мәселе тиісті шешіміп тапты. Осыған дейін мұндай  жиындар мен сержанттарды командирлік дайындық сабақтарынан өткізу жергілікті жерлерде ұйымдастырылатын болған.  

Оқу-әдстемелік жиынға келісім-шарт бойынша қызмет етіп жүрген 98 әскери азамат қатысты. Онда бригада сержантының басқаруымен оқу-жаттығу жұмыстары күндіз де түнде де жүргізілген. Мұндағы мақсат – әуе қорғанысы күштерін білікті командирлермен және мамандармен қамтамасыз ету болып табылады. «Бұл салаға деген талап қазір күшті. Сондықтан әрбір сержант өз ісінің кәсіи маманы болуы керек»,-дейді оқытушы-шебер сержант Сәрсембай Шаруханов.

Оның сөзінше, әскери жиын Қорғаныс министрлігінің бұйрығымен ұйымдастырлып отыр, ал жиын барысындағы сынақтардан сүрінбей өткен әскери қызметкерлер грамоталармен және құнды сыйлықтармен марапатталды.   

  

 

 

Барлық жаңалықтар