Қазақстанда ЕАЭО-ның Кедендік кодексі жобасына ұсыныстар дайындау үшін жұмыс тобы құрылды

Белгілі болғандай, 19 ақпанда Қазақстан Республикасының Премьер-Министрі Кәрім Мәсімовтың төрағалығымен өткен отырыста басты министрліктерге бірқатар тапсырмалар берілді.

Атап айтар болсақ, ҚР Ұлттық экономика министрлігіне Қаржы министрлігімен бірлесіп Еуразиялық экономикалық комиссияға ЕАЭО-ның Кедендік кодексі жобасын мемлекетішілік мақұлдау мерзімін жылжыту туралы хат жіберу тапсырылды.

ҰКП-ның хабарлауынша, Үкімет басшысының тапсырмасын орындау мақсатында ҚР Қаржы министрлігі Мемлекеттік кіріс комитетінің негізінде  ЕАЭО-ның Кедендік кодексі жобасына ұсыныстар дайындау үшін жаңа Жұмыс тобы өз жұмысын бастайды.

Қазақстандық кәсіпкерлер қабылданған шешім ЕАЭО-ның Кедендік кодексі жобасының жұмысына серпін береді деген сенімде.