Ақтау теңіз сауда портының ұжымы ҚР Президенті Н.Назарбаевтың кандидатурасын қолдау үшін үндеу қабылдады
13 Наурыз, 2015 11:23
«Ақтау теңіз порты» АҚ еңбек ұжымы «Нұр Отан» партиясының ҚР Президентінің сайлауына Нұрсұлтан Әбішұлының кандидатурасын ұсынғанын қолдайды.
«Біздің бүгінгі арнайы экономикалық аймағымыз – инвестициялық жобалардың жүзеге асуының қолайлы орны. Басталған жобалар сәтті жүзеге асырылуда, ЕЭА саны өсуде. Осы орайда, елдің теңіз инфрақұрылымы мен порттың сауда аймағы мен өндірістік сала дамуда.
Біз мемлекеттің жүргізіп отырған саясатымен толық келісеміз. «Нұрлы жол» жаңа экономикалық аймағы барлық сала дамуының бастауына айналуы тиіс.
«Ақтау теңіс порты» АҚ еңбек ұжымы Нұрсұлтан Назарбаевтың алда өтетін сайлауда ҚР президенттігіне үміткер болып ұсынылуын толық қолдайды», - деді «Ақтау халықаралық теңіз порты» ҰК» АҚ президентінің міндетін атқарушы Мырзабек Сақтағанов.
