Қазақстанда 2015 жылдың қаңтар-ақпан айларында шикі мұнай өндірісі өсті
13 Наурыз, 2015 14:49
2015 жылғы қаңтар-ақпанда 2014 жылғы ұқсас кезеңмен салыстырғанда шикі мұнай, табиғи газ және түсті металл кендерінің өндірісі өсті, деп хабарлады ҚР ҰЭМ Статистика комитеті.
«Резеңке және пластмасса бұйымдары, өзге металл емес минералдық өнімдері, металлургия өнеркәсібі өнімдері және мұнай өңдеу өнімдерінің өндірісі жоғарылады. Өнеркәсіптік өнімдерінің өндіріс көлемінің өсуі республиканың 10 өңірінде байқалды», - делінген хабарламада.
Сонымен бірге, көмір және біріктірілген темір кендерінің өндірісі төмендеді. Тамақ өнімдерінің, сусындардың, темекі, қағаз және машина жасау өнімдерінің өндірісі қысқарды. Төмендеу Ақмола, Батыс Қазақстан, Жамбыл, Маңғыстау, Павлодар және Шығыс Қазақстан облыстарында тіркелді.
