2015 жылы Қазақстанның негізгі капиталына түскен инвестиция көлемі 550 млрд теңгені құрады
Қысқа мерзімді экономикалық индикаторды есептеу жеделділікті қамтамасыз ету мақсатында жүзеге асырылады және ЖІӨ-ң 67-68%-н құрайтын ауыл шаруашылығы, өнеркәсіп, құрылыс, сауда, көлік және байланыс сияқты негізгі салалар бойынша шығарылым индекстерінің өзгеруіне негізделеді.
2015 жылғы қаңтар-ақпанда негізгі капиталға салынған инвестициялар көлемі 560,8 млрд. теңгені құрды, бұл 2014 жылғы қаңтар-ақпанға қарағанда 2,5% артық.
«2015 жылғы қаңтар-ақпанда өнеркәсіп өндірісінің көлемі қолданыстағы бағаларда 2174,8 млрд. теңгені құрды, бұл 2014 жылғы қаңтар-ақпанға қарағанда 0,4% артық. Кен өндіру өнеркәсібінде және каръерлерді қазуда өндіріс көлемі 0,9%, өңдеу өнеркәсібінде 0,3% артты. Электрмен жабдықтау, газ, бу беру және ауа баптауда 1,9%, сумен жабдықтауда, кәріз жүйесі, қалдықтарды жинау және бөлуді бақылауда 9,8% төмендеді», - делінген хабарламада.
2015 жылғы қаңтар-ақпанда ауыл шаруашылығы жалпы өнімінің көлемі 156,2 млрд. теңгені құрап, 2014 жылғы қаңтар-ақпанға қарағанда 2,4% артты.
2015 жылғы қаңтар-ақпанда «Көлік» саласы бойынша нақты көлем индексі 106,9%-ды құрды.2015 жылғы қаңтар-ақпанда жүк айналымының көлемі 78,5 млрд. ткм (коммерциялық жүк тасымалдаумен айналысатын жеке кәсіпкерлердің жүк айналымы көлемінің бағалауы есебімен) құрап, 2014 жылғы қаңтар-ақпанмен салыстырғанда 15,5% өсті. Жолаушылар айналымының көлемі 40 млрд. жкм құрап, 2,9% артты.
2015 жылғы қаңтар-ақпанда «Байланыс» саласы бойынша нақты көлем индексі 109,0%-ды құрды.
2015 жылғы қаңтар-ақпанда «Сауда» саласы бойынша нақты көлем индексі 103,2%-ды құрды.2015 жылғы қаңтар-ақпанда бөлшек сауда көлемі (қоғамдық тамақтандыру айналымынсыз) 857,2 млрд. теңгені құрап, 2014 жылғы қаңтар-ақпанмен салыстырғанда 3,9% өсті.2015 жылғы қаңтар-ақпанда көтерме сауда көлемі 1993,7 млрд. теңгені құрап, 2014 жылғы қаңтар-ақпанмен салыстырғанда 3% артты.
2015 жылғы қаңтар-ақпанда тамақ өнімдері мен сусындарды ұсыну бойынша қызметтердің көлемі 38,6 млрд. теңгені құрады және 2014 жылғы қаңтар-ақпанмен салыстырғанда 8,5% өсті.
2015 жылғы қаңтарда сыртқы сауда айналымы 7526,6 млн. АҚШ долларын құрап, 2014 жылғы каңтармен салыстырғанда 28,9% төмендеді, оның ішінде экспорт – 4808 млн. АҚШ долларын (39,2% аз), импорт – 2718,6 млн. АҚШ долларын құрады (1,8% өсті).
2015 жылғы 1 наурыздағы жағдай бойынша тіркелген заңды тұлғалардың саны 355808 бірлікті құрап, өткен жылғы сәйкес кезеңмен салыстырғанда 4% артты, оның ішінде 100 адамнан кем қызметкерлері бар – 346891 бірлік. Жұмыс істеп тұрған заңды тұлғалардың саны 199104-ті құрады, оның ішінде 190636 бірлік шағын кәсіпорындар (100 адамнан кем).
Тұтыну бағасының индексі 2015 жылғы ақпанда 2014 жылғы желтоқсанмен салыстырғанда 101% құрады. Азық-түлік тауарларына бағалар – 1,4%, халыққа арналған ақылы қызметтерге – 2,1% өсті, азық-түлік емес тауарларға – 0,6% төмендеді. Өнеркәсіп өнімдеріне өндіруші кәсіпорындар бағасы 2015 жылғы ақпанда 2014 жылғы желтоқсанмен салыстырғанда 17,8% төмендеді.
