ШҚО «Мен дұрыс таңдау жасаймын» тақырыбында үздік әлеуметтік роликке байқау жарияланды
13 Наурыз, 2015 12:42
Шығыс Қазақстанда «Мен дұрыс таңдау жасаймын» тақырыбында үздік әлеуметтік роликке байқау жарияланды. Байқау жеңімпазының видеоролигі жыл бойы облыстық және қалалық тедеэфирде көрсетілетін болады, деп хабарлайды ШҚО Ақпараттық орталығы.
Байқауға 14-29 жас аралығындағы жастар қатыса алады. Байқауға қатысушылар 5 тақырыпта, атап айтқанда, жастардың құқығы мен еркіндігінің бұзылуын алдын-алу, ұлтаралық ынтымақты насихаттау, мүмкіндігі шектеулі адамдарға әлеуметтік-психологиялық көмек көрсету, жастарды президенттік сайлауға қатысуға шақыру бойынша бақтарын сынай алады.
Сайыс өткеннен кейін «Қазақстан РТРК» АҚ филиалы «Қазақстан-Өскемен» байқау жеңімпазымен меморандумға қол қояды. Ол бойынша, жеңімпаз видеоролик жыл бойы облыстық және қалалық тедеэфирде көрсетілетін болады.
Ролик 15 секундтан аспауы шарт. Жанрын қатысушының өзі таңдайды.
