Талғар ауданының индустриялық аймағында үй салу комбинаты мен 3 зауыт ашылады
13 Наурыз, 2015 15:06
Талдықорған қаласында «Жетісу» ӘКК мен «ATABLOCK» ЖШС-і және «Eurasia Ligeco Company» ЖШС-і араларында бірлесіп жұмыстар атқару жөнінде келісімшарттарға қол қою рәсімі болып өтті, деп хабарлады аймақ әкімдігі.
Кездесудің басты мақсаты Алматы облысы Талғар ауданына қарасты Қайрат станциясы маңында орналасқан индустриялық аймақта өндірістік кәсіпорындар құру болып табылады. Аталған инвестициялық жоба ағымдағы жылдың ақпан айында Қоғамдық Директорлар Кеңесімен келісілген.
І инвестициялық жоба 3 кезең бойынша «Eurasia Ligeco Company» ЖШС арқылы жүзеге асырылмақ. 2,9 млрд. теңгені құрайтын жобаны жүзеге асыруға 26 га жер телімі бөлінді.
«ATABLOCK» ЖШС-і тарапынан жүзеге асырылатын 2-ші инвестициялық жобаның құны 185 млн. теңге құрайды. Оған 4 га жер аумағы берілді.
