ИИДМБ: Жамбыл облысында балықты қайта өңдеу зауыты 600 млн теңгеге жаңғыртылды
13 Наурыз, 2015 11:05
Жамбыл облысында 2014 жылы «Компания Мың-Арал» ЖШС-ның балық аулау және қайта өңдеу зауытының күрделі жөндеу жұмыстары аяқталды.
Ішкі саясат басқармасынан хабарлағандай, аймақтың Мойынқұм ауданындағы агроөндірістік кешеніндегі балық аулау және қайта өңдеу зауыты толық қуаттылықта жұмыс істеуде. Оны жаңғырту жұмыстары Индустриалды-инновациялық даму мемлекеттік бағдарламасы аясында жүргізілді.
Зауыт қатырылған балық еті, балықтан жасалған жартылай фабрикаттар мен балық ұнының өндірісімен айналысады.
Жоба құны 600 млн теңгені құрады, құрылыс барысында 30 адам, кейін іске қосылғаннан бастап 250 адам жұмыспен қамтылды.
