ҚР «Атамекен» ҰКП: ШОБ-ке деген тексерулер құрылымының түбегейлі өзгеруі кәсіпкерлердің қызметіне игі ықпал етті

«Шағын және орта бизнесті тексеруге  жарияланған мараторийдің енгізілуі тексерулер құрылымының  жақсаруына ықпал етті. Енді тәуекелдері аз тексерулер тобы азайып, жоғарылары керісінше көбейді. Жағдай оңалды», - деп мәлімдеді Ю.Тілеумұратов. 

Бұл ретте ол шағын және орта бизнесті тексеру  тәуекелдерін үш түрлі бағытқа бөліп қарауға болатындығын жеткізді. Олар: жоғары тәуекелдер, орташа тәуекелдер және әлсіз тәуекелдер.

«2014 жылға дейін жағдай былайша қалыптасқан болатын: яғни, тексерулердің 58 пайызы әлсіз тәуекелдер тобында жүргізілсе, 25 пайызы орта тәуекелдер тобында, ал 18 пайыз жоғары тәуекелдер тобында жүргізілді.  Біздің ұғымымызша, бұл төңкерілген пирамиданың кейпіне ұқсас,   яғни мұндай көзқарас дұрыс емес.  Негізінде тексеруді заң бұзу әрекеттері жоғары деңгейдегі топтарға жүргізу керек. Біздіңше, тәуекелі жоғары топтарды тексеру 60 пайыз, орташа тәуекелдері бар топтарды тексеру 30 пайызды, ал әлсіз тәуекел тобындағыларды тексеру 10 пайыз болуы керек»,-деді Ю.Тілеумұратов.

Индира Кауметова