«Өте ыңғайлы үй» үйді жобалау байқауында студенттерден құрылған 50 команда өз жобаларын көрсетеді

 Ұлттық компания өкілдерінің мәліметтерінше, байқаудың қорытындысы 2015 жылдың мамыр айының 27-29 аралығында Астанада  шығарылады. ЭКСПО көрмесінің тақырыбы - «Болашақтың энергиясы» байқаудың негізгі бағыты болады. Байқауға қатысушылар онда жаңа қалалық кеңістікке енгізуге болатын экологиялық жағынан тиімді архитектуралық жобаларды ұсынулары керек.  Бұл ретте міндетті түрде Астана қаласының климаттық жағдайы мен қаланың өзге де ерекшеліктерін назарға алу қажет.  

Таратылған ақпараттар бойынша, байқаудың соңғы үшкүндігінде 100-ден астам өкілі бар 50 команда мен әлемнің 20 мемлекетінен келіп, аймақтағы жартылай финалдар кезінде жеңімпаз атанған азаматтар өздерінің жобаларына халықаралық әділқазылар алқасына ұсынады. Әділқазылар алқасының құрамында тұрақты жобалау мен энергиялық жағынан тиімді құрылыстардың мамандары мен «Астана ЭКСПО-2017» ұлттық компаниясы мен Saint-Gobain компаниясының өкілдері бар.

«Астана ЭКСПО-2017» ұлттық компаниясының сәулет-құрылыс компаниясы департаментінің бас менеждері Зәуре Айтаеваның айтуынша,  энергияны тиімді пайдаланатын тұрғын үй кешендерін жобалаумен айналысатын студенттік идеялардың осындай қоры болашақта ең үздік деген сәулет және технологиялық шешімдерді қабылдауға мүмкіндік береді.