«Ақ жол» партиясы ҚР Президенті сайлауына Н.Назарбаевтың кандидатурасының ұсынылуын қолдады

«Бүгінгі таңда Қазақстанда да одан шет аймақтарда да Нұрсұлтан Назарбаевпен салыстыруға келетін, Елбасы сияқты ұлтты ұйыстыратын, экономиканың алдына ауқымды міндеттер қойып, мемлекеттік органдардың жұмысына серпін бере алатын  тұлға жоқ», - деді Азат Перушев. 

Сонымен қатар ол «Ақ жол» партиясының әдеттегідей, мемлекеттік органдардың жөнсіз әрекеттері  мен жемқорлыққа сын көзбен қарайтындығын атап өтті. Бұл мәселе алдағы уақытта да партияның басты міндеттерінің бірі болып қала береді. Сондай-ақ партия кәсіпкерлікті қолдап,  ұлттық мүденің басым болуын да басты мақсат етеді.     

«Дегенмен, халықтың шын мәніндегі қолдауына ие болған Нұрсұлтан Назарбаев қатысатын сайлауға қатысты «күрес» ұғымын пайдалануға болмайды. Өйткені ол өз халқыңа өзің қарсы шығу деген сөз. «Ақ жол» партиясы мұндай жолды қаламайды»,-деді А.Перуашев.

«Ақ жол» демократиялық партиясының кезектен тыс XXI съезіне 16 аймақтық партия конференцияларында  сайланған 121 делегат қатысты. Осы делегаттардың ұсыныстарын қарай келе партия өкілдері Мемлекет басшысы Нұрсұлтан Назарбаевтың кадидатурасының кезектен тыс Президент сайлауына ұсынылуын қолдау қажет деген шешімге келді.