Әбілғазы Құсайынов ҚР Президенттігіне өз кандидатурасын ұсынды
12 Наурыз, 2015 13:54
Кәсіподақтар федерациясының төрағасы Әбілғазы Құсайынов ҚР президенттігіне өз кандидатурасын ұсынды, деп хабарлады ҚР ОСК.
Әбілғазы Қалиақпарұлы Құсайынов – 1952 жылы 6 ақпанда Қарағанды облысының Тельман ауданы Майөзек кентінде туған.
Қарағанды политехникалық институтының автожол факультетін (1981) инженер-механик мамандығы бойынша; Ресей басқару академиясының саясаттану факультетін (1992) саясаткер мамандығы бойынша бітірген.Айта кетейік, ол ҚР Экономика және сауда вице-министрі, Индустрия және сауда вице-министрі, Көлік және байланыс вице-министрі, Көлік және байланыс министрі, Қарағанды облысының әкімі қызметін атқарған.
