Астанада С.Өтебаев атындағы стипендия мен грант беру слеті өтуде

7 Қазан, 2013 10:10

2013 жылдың 7 қазан күні VIII KAZENERGY Еуразиялық форумы қарсаңында Астана қаласында, «ҚазМұнайГаз» ҰК АҚ-да «С.Өтебаев атындағы стипендия мен грант беру слеті» атты дөңгелек үстел өтеді, деп KAZENERGY Қауымдастығының баспасөз қызметі хабарлады.

«Сафи Өтебаев атындағы стипендиялар мен гранттар – Қазақстанның мұнай өнеркәсібі саласындағы ең үздік қайраткерлерінің бірі атындағы стипендия. Жоба 2009 жылы IV KAZENERGY Еуразиялық форумы кезінде, қазақстандық мұнайдың 110 жылдығына арналып «ҚазМұнайГаз» Ұлттық компаниясымен ұйымдастырылды», - деп хабарламада жазылған.

Дөңгелек үстел барысында талқыланатын сұрақтар Қазақстан Республикасындағы мұнай-газ саласының дамуы, атап айтқанда, ірі мұнай жобаларының іске асыру келешегі болып табылады. Мәлімделген тақырыптарды таныстыру үшін «ҚазМұнайГаз» ҰК АҚ өкілдері сөз сөйлейді.

Сонымен қатар, күн тәртібінде сертификаттар тарату мен стипендиаттар арасында Сафи Өтебаевтың өмірі жайлы, мұнай мен газ орындары жайлы және «ҚазМұнайГаз» ҰК АҚ қызметі жайлы сұрақ-жауап сайысын өткізу жоспарлануда. Стипендиаттар арасындағы ең үздік жауап берген адамға жүлде беріледі.

Барлық жаңалықтар