Ақмола облысында 2015 жылы құны 2 916 миллион теңге болатын 70 орындық аурухана салынады
Осылайша өткен жылы аймақта 1 575 шаршы метр тұрғын үй салынды. «Қолжетімді баспана-2020» мемлекеттік бағдарламасын жалғастыру сондай-ақ, мемлекеттік тұрғын үй қорынан баспананы қажет ететін аудан тұрғындарының әлеуметтік мәселелерін шешу мақсатында 2013 жылы «Молодежный» шағын ауданындағы инженерлік желілері бар бесінші 75 пәтерлі тұрғын үйді қайта жөндеуден өткізудің жобасы жасалып, мемлекеттік сараптама оған оң бағасын берді. Нәтижесінде аталмыш тұрғын үйді қайта жөндеуден өткізіп, оның инженерлік инфрақұрылымын қамтамасыз ету үшін қажетті қаржы да бөлінді. Қазіргі таңда осы бағыттағы жұмыстардың құжаттар дайындалуда.
Мұндай ірі жобалар ауданда әлемдік экономикада қалыптасқан күрделі жағдайға қарамастан жүзеге асырыла беретін болады. Бұған қоса, Державинск қаласында құны 2 916 миллион теңге болатын емханамен біріктірілген 70 орындық ауруханының құрылысын аяқтау жоспарланып отыр. Ал, болашақта жергілікті бюджет есебінен Державинск қаласында 280 орындық балабақша салынбақ. Қазіргі таңда осы мәселе бойынша аудандық білім саласының өкілдерімен тиісті құжаттарды дайындау мәселелері пысықталуда.
