2015 жылы Қазақстанда 200 мұнай ұңғымасын орнату жоспарлануда – Қарабалин

12 Наурыз, 2015 10:52

2015 жылы Қазақстанда 200 мұнай ұңғымасын орнату жоспарлануда. Бұл туралы бүгiн Астанада өтiп жатқан «Kazakhstan Geology Forum, Oil & Gas» халықаралық форумы барысында Энергетика министрінің бірінші орынбасары Ұзақбай Карабалин мәлiм еттi.

«2015 жылы министрлік 200 мұнай ұңғымасын орнатуды күтуде – сейсмобарлау жұмыстарының көлемі 2D 3150 км және 3D 350 шаршы метрді құрайды», - деді вице-министр.

Ұ.Қарабалин атап өткендей, өткен жылдың қорытындысы бойынша 212 ұңғыма орнатылды, оның өту қарқыны 346 мың метрді құрайды. Сейсмологиялық жұмыстар 3D, 2,5 мың шаршы км көлемінде өтті. «Соңғы 5 жылда 1098 барлау скважиналары орнатылды, 2 D сейсмологиялық жұмыстар жүргізілді. Оның көлемі 38 мың км болса, 3D-да 18,9 мың шаршы метрді құрады», - деді вице-министр.

Айта кетейік, «Kazakhstan Geology Forum, Oil & Gas» халықаралық форумына Қазақстан, Канада, Нидерланды, Ресей, Өзбекстан, Беларусь, Франция, Ұлыбритания, Германияның 70-тен астам компаниясының өкiлдерi жиналды.

Форум бағдарламасы отандық геобарлаудың ең өзекті мәселелері: ресурстық әлеуеттің кеңеюі, геофизикалық технологиялар, су акваториін зерттеу.

Индира Кауметова