ИИДМБ-ның қайта өңдеу өнеркәсібі үшін инвестициялық қажеттіліктерінің болжамы 6,6 триллион теңгені құрады - ҚИДИ

12 Наурыз, 2015 11:09

ИИДМБ-ның 2015-2019 жылдарға арналған қайта өңдеу өнеркәсібі үшін инвестициялық қажеттіліктерінің болжамы 6,6 триллион теңгені құрап отыр. Ал, мемлекет есебінен қосымша 600 миллиард теңге бөлуді қажет. Бұл туралы Strategy2050.kz ақпарат агенттігінің тілшісіне берген сұхбатында «Қазақстандық индустрияны дамыту институты» акционерлік қоғамынан хабарланды.

«Біз алдыға қойған мақсаттар мен көрсеткіштерге қол жеткізу үшін қайта өңдеу өнеркәсібінің инвестицияларға деген қажеттілігі 6,6 триллион теңгені, ал мемелекет бюджетінен қажет етілетін қаржы 600 миллиард теңге»,-деді акционерлік қоғам өкілдері.

Бұл ретте бағдарламаның сәтті жүзеге асырылуы үшін мемлекеттің де жеке сектордың да қаржы ресурстары жұмылдырылатындығын айта кету керек.

«Оның ішінде бағдарламаны жүзеге асыру мақсатында бюджеттен бөлінетін мақсатты қаржы ресурстарының 80 пайызы басым бағыттарды қолдауға жұмсалады. Қалған 20 пайыз қайта өңдеу өнеркәсібінің сәтті жүзеге асырылып жатқан өзге де салаларына бағытталмақ», делінген хабарламада.

Бұған қоса, институт өкілдерінің мәліметтерінше, аталған бағдарламада көрсетілген іс-шараларды қаржыландыру көлемі алдағы уақытта ҚР-ның заңнамаларына сай нақтыланатын болады. Онда энергоресурстарға деген бағаның құлдырауына байланысты Қазақстанның инвестициялық мүмкіндіктерінің шектелу мүмкіндігі сияқты мәселелер де ескерілмек.

Индира Кауметова

Барлық жаңалықтар