ОСК Н.Назарбаевқа өзінің кадидатурасын қолдаған азаматтардың қолдарын жинау үшін қол қою парақтарын берді

11 Наурыз, 2015 19:33

2015 жылғы 11 наурызда Орталық сайлау комиссиясы Қазақстан Республикасының Президенттігіне кандидат Нұрсұлтан Әбішұлы Назарбаевтың Қазақстан Республикасының Конституциясында және «Қазақстан Республикасындағы сайлау туралы» конституциялық заңында қойылатын талаптарға сәйкестігін белгілеу туралы қаулы қабылдады.

ОСК қабылдаған қаулыға сәйкес, Қазақстан Республикасының Президенттігіне кандидатты қолдайтын сайлаушылардың рас қолдарының саны кемінде 93 мың 012 қолды құрайды.

Президенттікке кандидатты қолдап қолдар жинауды сенім білдірілген адамдар жүзеге асырады. Қолдарды жинайтын топтардың саны мен құрамына шек қойылмайды.

Президенттікке кандидатты қолдап толтырылған қол қою парақтары аумақтық сайлау комиссияларына тапсырылады, олар бес күн мерзім ішінде паспорт қызметінің қызметкерлерін қатыстыра отырып, қойылған қолдардың растығын тексеруді жүзеге асырады, тиісті хаттаманы ресімдейді және оны Орталық сайлау комиссиясына жолдайды.

Қолдардың растығын тексеру Президенттікке кандидатқа қажетті санда рас қолдар анықталғанға дейін жүргізіледі. Осылайша, азаматтардың 93 мың 012 қолының шын екені расталған кезде қалған қолдарды тексеру жүргізілмейді.

Барлық жаңалықтар