Біз елдегі тұрақтылық пен келісімнің өзіндік үлгісін дамытуда жетістікке жеттік

 «Біз – қазақстандықтар, осы ұғым барлығын ашып отыр, этностар арасында ешқандай ажырату болмау керек, себебі біз – қазақстандықпыз. Біз елде тұрақтылық пен келісімнің өзіндік үлгісін  дамытуда жетістікке жеттік.Қазақстанның Конституциясы елдің барлық азаматтарының бір дәрежеде күн кешуін  қамтамасыз етеді. Оны заңды қадағалайтын органдар қамтамасыз етіп, Конституцияның мазмұнын айтпай, ондағы тәртіптерді орындауы керек», - деді Елбасы.

Елбасы атап өткендей, қазақстандық бірлікті одан әрі нығайту қажет. «Ол бәрінен бұрын азаматтық негізінде қалыптасуы керек, барлық Қазақстан азаматтары бір заңдылыққа бағынуы керек. Олардың көтеретін жауапкершіліктері бір, мүмкіндіктері тең», - деді Н.Назарбаев.

Сондай-ақ, Н.Назарбаевтың айтуынша, құндылықтар барлығына бірдей болып, «Мәңгілік ел» ортақ идеяға айнаоуы тиіс.

Айта кетейік, съезге еліміздің барлық өңірінен 1200-ден астам делегат қатысады деп жоспарлануда, оның ішінде партияның облыстық мәслихаттардағы депутаттық фракциялары басшылары, 200-ден астам бастауыш ұйым өкілдері, сондай-ақ 100-ден астам ардагер мен партия белсенділері бар.

Индира Кауметова