• Басты
  • «Оңтүстік» өңірлік қолбасшылығының 300-ден астам сардарлары аттестациядан өтті

«Оңтүстік» өңірлік қолбасшылығының 300-ден астам сардарлары аттестациядан өтті

11 Наурыз, 2015 20:43
«Оңтүстік» өңірлік қолбасшылығында аттестациялау шараларының бірінші кезеңі аяқталып, сынақтан 328 сардар өтті.

Әскери бөлімдердің аттестациялық комиссиялардың мәжілістерінде  сардарлардың жұмыс тәжірибесі мен моральдық-іскерлік қасиеттерінің негізінде  олардың өз қызметтерін әрі қарай жалғастырулары үшін түрлі ақыл-кеңестер мен ұсыныстар берілді, дейді Қорғаныс министрлігінің өкілдері.

"Сынақтан сардарлардың көпшілігі сәтті өтті. Алайда екі сардар әскери тәртіпті бұзғаны және өз міндеттерін талапқа сай атқармағандары үшін қызметтерінен босатылды», делінген хабарламада.

Айта кететін мәселе әскери бөлімдер мен байланыстардың сардарлары әскери аттестациялау шарасына өте маңызды шара ретінде қарайды. Аттестациялау шарасының алғашқы кезеңінде сынақ тапсыратын сардарлар қажетті құжаттарды зерделеп, нормативті дене қимылы бойынша дайындықтарын күшейте түссе,  аттестациялау шарасын ұйымдастыратын сардарлар  бұл іспен үлкен  жауапкершілікпен айналысуда.

ҚР ҚК-нің сардарлар корпусының жоспарлы аттестациясы 2015 жылдың 12-ші қаңтары мен 1-ші желтоқсаны аралығында екі кезең бойынша өтеді. 12-ші қаңтар мен 1-ші маусым аралығында басшылық құрамындағы сардарлар аттестациядан өтеді. Екінші кезеңде яғни 2015 жылдың 1-ші маусымы мен 1-ші желтоқсаны аралығында сынақты қалған сардарлар құрамы тапсырады.  

 

  

 

 

Барлық жаңалықтар