Н. Назарбаев жаңа 5 институттық реформаны ұсынды

«Мен қалай Президент болу керек және не істеу керек деген сұраққа талай жауап бердім, президенттік сайлауға  қатысу үшін бағдарламасы, мақсаты болуы керек, сайлауға жайдан жай барудың қажеті жоқ. Мен жаңа 5 институттық  реформаларды ұсынамын. Біз оған келдік, біріншісі экономикалық және мемлекеттік қызмет көрсету бағдарламаларына жауап беретін кәсіби мемлекеттік автономды аппаратты құру», - деп мәлімдеді Н.Назарбаев.

Елбасының айтуынша, мемлекет бұл салада жұмысын бастап кетті. «Бізде «А» және «Б» корпустары бар. Адамдарды жұмысқа байқау бойынша қабылдай бастадық. Бүгінде мемлекеттік қызмет әкімшілігі саясат деңгейіне байланысты екенін байқамауға болмайды. Белгілі бір қолдаушының өзінің командасы жасақталады. Бұл Кеңес одағының сарқыншағы. Егер бір министр жұмыстан кетсе онымен бірге бүкіл топ кетеді. Бұлай болмау керек», - деді Қазақстан Президенті.

 Ұлт көшбасшысы бұл ретте мемлекеттік қызметтің жалақының аздығынан азаматтарды аса қызықтыра бермейтін секторлардың біріне айналғандығын атап өтті. «Көп жағдайда мемлекеттік қызметшілердің лауазымдарының өсуінің нақты тәртібі жоқ, олардың қызметте өсуі «қамқоршыларына» байланысты. Мен өзім ұсынған маңызды деген мемлекеттік  жобалардың түрлі деңгейдегі кейбір шенеуніктердің біліксіздіктерінен  зардап шегіп отырғандығын білемін»,- деп нақтылады Президент.   

Сонымен қатар Н.Назарбаев сайлау, министрлер мен әкімдердің және өзге де жетекшілердің қызметін ауыстыруы әкімшілік мемлекеттік қызметке зардабын тигізбеуі керектігін атап өтті.  «Мұндай тәртіп Германия мемлекетінде 100 жылдан бері бар. Ұлыбритания мен Францияда да тәртіп осы тәжірибеден басталды. Кейбіреулері сайлау арқылы сайланатын жетекшілер қызметтерін ауыстыра береді. Ал, мемлекеттік аппарат - іскерліктің сақтаушысы, оның қолында болған нәрсе де болатын дүние де бар, ол басқару керек, бұдан мемлекет зардап шекпейді», -деді Мемлекет басшысы.

Естеріңізге сала кетейік, Астанада Елбасы, Партия көшбасшысы Н.Назарбаевтың төрағалығымен «Нұр Отан» партиясының XVІ съезі өтуде. Съезге еліміздің барлық өңірінен 1200-ден астам делегат қатысуда, оның ішінде партияның облыстық мәслихаттардағы депутаттық фракциялары басшылары, 200-ден астам бастауыш ұйым өкілдері, сондай-ақ 100-ден астам ардагер мен партия белсенділері бар.

Индира Кауметова