Ю.Пя: Мемлекеттік қолдау Қазақстандағы медициналық көмектің сапасы мен қолжетімділігін арттыра түсті
«Бүгінде біз сіз ұсынған дамыған 30 елдің қатарына кіру саясаты өзінің тұрақтылығы мен тиімділігін байқатқанына куә болдық. Оны Қазақстан сарапшыларының бағасы мен елдің жетістіктері дәлелдеуде. Денсаулық сақтау саласында да біз толағай табыстарға жеттік. Мемлекеттік қолдау медициналық көмектің сапасы мен қолжетімдігін барынша арттырды. Заманауи клиникалар мен заманауи технологияларды енгізуге, медқызметкерлердің жалақысын көтеруге септігін тигізді», - деді Ю.Пя.
Ол атап өткендей, ҚР Президентінің қолдауының арқасында Қазақстан 10 жыл ішінде үздік 30-дықтың қатарына енді.
Айта кетейік, съезге еліміздің барлық өңірінен 1200-ден астам делегат қатысады деп жоспарлануда, оның ішінде партияның облыстық мәслихаттардағы депутаттық фракциялары басшылары, 200-ден астам бастауыш ұйым өкілдері, сондай-ақ 100-ден астам ардагер мен партия белсенділері бар.
Индира Қауметова
