Қазақстандық Максим Иглинский «Алматы Турының» жеңімпазы атанды

Велотур бойынша «Астана» командасының велошабандозы Максим Иглинский «Алматы Турының» жеңімпазы атанды.

«Қолдау көрсеткен жанкүйерлерге рахмет! Керемет жарыс!», - деді мәреге жеткен соң М. Иглинский.

Өз кезегінде, екінші орынды Bardiani Valvole - CSF Inox-тың спортшысы итальяндық Сонни Солберелли иеленді. Үштікті тағы бір қазақстандық Руслан Тілеубаев бекітті.

«Алматыда бірінші кәсіптік велотур өткеніне өте қуаныштымын. Сіздер біздің қаланы еуропалықтар, өзге елдер  тамашалағанын көрдіңіздер, себебі тікелей көрсетілім болды. Қазақстандықтар мен өзге ел өкілдері біздің табиғатты жоғарыдан көруге мүмкіндік алды», - деп «Алматы Турының» марапаттау рәсімінде қала әкімі А. Есімов айтты.

Алматы қаласының әкімі Олимпиада чемпионы Александр Винокуровқа кәсіптік велотурды өткізуге ұсыныс жасағаны үшін алғыс айтты.

Сайыс «Нұрлы тау» бизнес-орталығынан бастап Әл-Фараби даңғылы, Тұңғыш Президент саябағының бойына дейін созылды. Алматыдағы турдың арақашықтығы 186 шақырым, 6 айналымды құрады.