• Басты
  • Батыс Қазақстанда бейбітшілік пен келісім мегажобасы өтті

Батыс Қазақстанда бейбітшілік пен келісім мегажобасы өтті

11 Наурыз, 2015 15:52
«Бейбітшілк пен келісмнің жол картасы» мегажобасының аясында Батыс Қазақстан облысы Казталов ауданының делегациясы Жәнібек ауданына келді.

Облыстың ішкі саясат басқармасы өкілдерінің хабарлауынша, Жәнібек ауданының өкілдері қонақтарды қазақтың салт-дәстүрі бойынша, салт атпен қарсы алып, сәлемдерін добмбырамен ән айту арқылы жеткізді. Көршілес аудандардың мектеп оқушылары бейбітшіліктің нышаны мен достастықтың белгісі ретінде аспанға көгершіндерін ұшырды.

Кездесуден соң көршілес аудандардың өкілдері Кеңес Одағының батыры Мәншүк Маметова мен Ұлы Отан соғысының ардагерлеріне арналған мемориалға гүл шоқтарын қойып, соғыс құрбандарын бір минут үнсіздікпен еске алды. Гүл дестесі ақын, қоғам қайраткері Ғұмар Қарашевтің да  ескерткішіне қойылды. Бұдан соң кездесудің бағдарламасы бойынша көршілес аудандардың командалары кіші футболдан жолдастық кездесу өткізді.

Сондай-ақ екі ауданның өкілдері «Бейбітшілік пен келісім – Қазақстандағы сайлау» атты дөңгелек үстел отырысында өзара пікір алмасты. Отырыстың соңында Қазталов пен Жәнібек аудандары арасында өзара ынтымақтастық жөніндегі Меморандумға қол қойылды. Кездесудің соңы Казталов ауданы өнерпаздарының дайындаған гала-концертіне ұласып,  артынан «Казталовтықтар отты жылдар» атты Ұлы Жеңістің 70 жылдығына арнайы түсірілген  документалды фильм көрсетілді.   

 

Барлық жаңалықтар