• Басты
  • БҚО-да ҰОС ардагерлеріне көмек көрсетудің әлеуметтік картасы жасалды
11 Наурыз, 2015 16:23

БҚО-да ҰОС ардагерлеріне көмек көрсетудің әлеуметтік картасы жасалды

Батыс Қазақстан облысының бастауыш ардагерлер ұйымдарының төрағалары Ұлы Жеңістің 70 жылдығына дайындық мәселелерін талқыға салды.
БҚО-да ҰОС  ардагерлеріне көмек көрсетудің әлеуметтік картасы жасалды

«Олар көтерген мәселелердің ішіндегі ең ауқымдысы ардагерлердің әлеуметтік карталары болды. Онда қарттардың әлеуметтік өмірінің барлық жағдайлары қамтылды. Тіпті ардагерлердің тұрғын үйілеріне жөндеу жүргізу қажет деген сияқты мәселелерге дейін енгізілген. Сонымен қатар, облыстық денсаулық сақтау басқармасы мен қалалық емханалармен бірлесіп, барлық соғыс ардагерлері мен мүгедектері ерекше есепке алынып, қазір олар дәрігерлердің жіті бақылауында», -деп хабарлайды Батыс Қазақстан облысының ішкі саясат басқармасы.

Бұған қоса ардагерлерге қажетті кезде дабыл қағуға мүмкіндік беретін арнайы белгілері бар құрылғылар таратылды. Осылардың арасында наурыз бен сәуір айларына белгіленген ең ірі шаралар Жәңгір хан атындағы Батыс Қазақстан облыстық Аграрлы-техникалық университетінің базасында өтетін Украина және Беларусь майдандарының ардагерлерімен болатын кездесуді атау керек.

Сондай-ақ, Ұлы Жеңістің 70 жылдығына орай мерейтойлық медальмен марапатталатын ҰОС ардагерлері оларға теңестірілген азаматтар мен тыл еңбеккерлерінің тізімдері жасақталды.

Хабарламадан мәлім болғанындай, Ұлы Жеңістің 70 жылдығына байланысты іс-шаралар бойынша мәжіліске қатысушылар көптеген ұсыныстар айтып, пікірлерін білдірді. Сондай-ақ олар күн тәртібіне қойылған мәселенің жекелеген бағыттары бойынша пікір алмасып, алдағы уақытта елімізде болғалы отырған үлкен саяси науқан ҚР Президентінің кезектен тыс сайлауына қатысты да біраз жайттарды ортаға салды.      

   

 

Барлық жаңалықтар