• Басты
  • Ақтауда Қазақстан халқы Ассамблеясының 20 жылдығына орай ҚХА депозитарийі ашылады

Ақтауда Қазақстан халқы Ассамблеясының 20 жылдығына орай ҚХА депозитарийі ашылады

11 Наурыз, 2015 10:47
Ақтауда Қазақстан халқы Ассамблеясының 20 жылдығына орай ҚХА депозитарийі ашылады. Бұл туралы «20 жыл бейбітшілік пен келісім: қазақстандық үлгінің ерекшеліктері» ғылыми-тәжірибелік конференцияда Ш.Есенов атындағы КМТИУ ректоры, Маңғыстау облысы ғылыми-сараптамалық топтың жетекшісі (ҒСТ) Әділбек Ботабеков хабарлады.

«Маңғыстау облысы ҚХА ҒСТ жоспарына ҚХА жылын өткізу бойынша мынадай ірі шаралар енгізілген, мәселен, КМТИУ-дың кітапханасында Ш.Есеновтың этносаралық келісім мен конфессияаралық қарым-қатынас саласындағы ғылыми еңбектеріне сүйене отырып депозитарий ашу, «Маңғыстаудың мәдени алуандылығы» атты көрмені тарихи – өлкетану музейімен бірлесіп ұйымдастыру, жас ғалымдардың арасында байқау өткізу, ЖОО-лар арасында үздік Қазақстан халқы Ассамблеясы кафедрасының байқауын өткізу бар», - деп хабарлады Әділбек Ботабеков.

Сонымен қатар, баяндамада Маңғыстау облысы ҚХА ҒСТ 2014 жылы атқарған қызметінің қорытындысы қаралды.

А. Ботабеков атап өткендей, 2014 жыл облыстың ҚХА ҒСТ мүшелері үшін жаңа құрамда  жаңа идеяларды жасақтаудың, жаңа ғылыми міндеттері мен қызметтің одан ары әлеуетін анықтау алаңына айналды. 

Барлық жаңалықтар