Қазақстанда құны 94 миллиард теңгені құрайтын 15 мың 273 нысан заңдастырылды - Қаржы министрлігі

10 Наурыз, 2015 19:13

Қазақстан Республикасының аймағындағы мүлікті жекешелендіру бойынша жергілікті атқарушы органдардың жанындағы комиссияларға жалпы сомасы 204,1 теңгені құрайтын жылжымайтын мүлікті жария ету мақсатында 23 мың 681 өтініш түскен.

Оның ішінде 147,8 миллиард теңге тұратын 19 мың 366 тұрғын үй, 54,7 миллиард теңге тұратын 10 мың 393 тұрғын үйге жатпайтын нысандар, 36,5 миллиард теңгенің 2 мың 451 коммерциялық нысаны, 0,7 миллиард теңгенің 14 заңды тұлғалардағы қатысу үлесі, 0,8 миллиард теңгенің бағалы қағаздары түсіп, 94,0 миллиард теңгенің 15 мың 273 нысаны жария етілді.

Мүліктерді жекешелендіру бойынша салық органдарына Қазақстан Республикасының аумағынан тыс жатқан 215,9 миллион теңгенің 6 тұрғын үйін жекешелендіру бойынш өтініш түскен. 211,4 миллион теңгенің 3 тұрғын үйі, 1,5 миллион теңгенің тұрғын үйге жатпайтын нысаны, бұған қоса тағы 1,5 миллион теңгені құрайтын коммерциялық нысан бар. Сонымен қатар тағы 3,0 миллион теңгенің заңды тұлғалардағы қатысу үлесі, 113,1 миллиард теңгенің 5 нысаны жария етілді.

Қазақстан Республикасының Ұлттық банкінің есебі бойынша, екінші деңгейлі банктердің 2015 жылдың 5-ші наурыздағы жағдайы бойынша, жалпы сомасы 13,7 миллиард теңгені жария ету үшін 71 жинақ шоты ашылды. Оның ішінде ақшаны жария еткені үшін мемлекетке төленетін 482,2 миллион теңгені алып тастағанда, жинақ шоттан алынған 3,9 миллиард теңге. ҚР экономикасына инвестицияланғаны 5,6 миллиард теңге.

2015 жылдың 6-шы мамырындағы 1-Н есебінің деректері бойынша 206110 «Мүлікт жария ету үшін алынатын алым» коды бойынша бюджетке 467,5 миллион теңге түсті.

Барлық жаңалықтар