10 Наурыз, 2015 18:56

ШҚО-да «Нұрлы жол» бағдарламасының аясындағы аймақтық даму жоспарына байланысты сарапшылармен мәжіліс өтті

Өскеменде Өскемен мен Семей қалаларының жоғары оқу орындары ғалымдарының және облыстық басқарма мен «Даму» кәсіпкерлікті дамыту қоры» өкілдерінің қатысуымен «Нұрлы жол» бағдарламасяның аясындағы аймақтық даму жоспарына байланысты сарапшылармен мәжіліс өтті, деп хабарлайды Шығыс Қазақстан облысының ақпарат орталығы.

Семинар барысында ғалым-экономистер, саясаттанушылар, Шығыс Қазақстан облысы басқармаларының басшылары мен мамандары on-line режимінде «Нұрлы жол» бағдарламасының аясындағы аймақтық даму жоспары жөнінде баяндама жасады.

«Нұрлы жол» бағдарламасының аясында «Астана Өскемен» автожолы мен «Екібастұз-Семей-Өскемен» электр тарату желісі салынады. Бұл көптеген әлеуметтік мәселелердің шешілуіне жол ашады, ал жаңа трассаның салынуы Жібек жолына екінші рет жан бітіреді. Осылардың барлығын жоғары оқу орындары мен ғылыми-зерттеу институттарының ғалымдары ерекше назарда ұстаулары қажет,-деді С.Аманжолов атындағы ШҚМУ профессоры Бауыржан Ердембеков.

Сарапшылар мәжілісінің резолюциясы қала мен облыстың қоғамдық құрылымдарының жаңа экономикалық стратегияны тиімді жүзеге асыруға бағытталған аймақтың әлеуметтік-экономикалық дамуының тоқсанаралық мониторингін жүргізуді көздейді.

Барлық жаңалықтар