• Главная
  • «Жас Ұлан» мектебінің барабаншылары ҰОС Жеңісінің 70 жылдығына арналған парадты ашады
10 марта, 2015 15:37

«Жас Ұлан» мектебінің барабаншылары ҰОС Жеңісінің 70 жылдығына арналған парадты ашады

Ұлы Отан соғысындағы Жеңістің 70-жылдық мерейтойына арналған ұлан-асыр парадты Халық Қаһарманы армия генералы Сағадат Нұрмағамбетов атындағы «Жас ұлан» республикалық мектебінің тәрбиеленушілері ашады, деп хабарлады Қорғаныс министрлігі.
«Жас Ұлан» мектебінің барабаншылары ҰОС Жеңісінің 70 жылдығына арналған  парадты ашады

80 жасұландық (9-10 сынып оқушылары) ту ұстау топтарының соңын ала, парадтың тарихи және заманауи бөлімдерінің алдында сап түзеп өтетін болады. Осы жас жеткіншектерге Қазақстан Қарулы Күштері барлық әскер түрлері мен тектерінің үздік әскери қызметшілерінен, еліміз жоғарғы әскери оқу орындарының курсанттарынан құралған жаяу парадтық есептоптар, сондай-ақ ҚР Қарулы Күштерінің барлық қару-жарағы, әскери және авиациялық техникасы ілеседі.

 «Дәстүр бойынша әскери парадты ұландар ашады. Барабаншылар ротасы қазақстандық армияның жас буынын бейнелеп, парадтың қарқыны мен ырғағын қалыптастырады. Әр ұландық үшін парадқа қатысу – абыройлы іс, Ұлы Отан соғысындағы ұрыс даласында ел болашағы үшін ерлікпен шайқасқан даңқты бабаларына деген алғысы мен құрметін көрсету» - деді Халық Қаһарманы, армия генералы Сағадат Нұрмағамбетов атындағы «Жас ұлан» республикалық мектебінің бастығы Мұхтар Майкеев.

Бұл парад  «Жас ұлан» мектебінің тәрбиеленушілері және басқа да қатысушылар үшін реттік саны бойынша бесінші және ең ірі әскери парад болмақшы. Сондықтан айбынды офицерлермен парад маршын бірге жасау мүмкіндігі тек оқу үздіктері мен озаттарына беріледі. Ал қалғандары үшін бұл өзінің білім деңгейін, саптық тәртіп пен даярлықты көтеруге ынталандырады. Балалар қазір белсенді жаттығу үстінде.

Қазіргі уақытта олар жеке саптық даярлық курсын аяқтап, бірыңғай сап құрамындағы жаттығуларға кірісіп кетті. Алдағы парад – қазақстандық армияның ең ірі шеруі. Ол барлық жағынан өткен парадтардан оқ бойы озық болатыны және мерейтой күніне толық лайық болатыны сөзсіз.