10 Наурыз, 2015 13:21

«Нұрлы жол» бағдарламасының алғашқы қатысушылары 2015 жылдың 20 наурызында жаңа пәтерлердің кілттерін алады

Ағымдағы жылдың 20 наурызында «Бәйтерек» холдингі «Нұрлы жол» бағдарламасының алғашқы қатысушыларына жаңа пәтерлердің кілттерін тапсырады. Бұл туралы «Бәйтерек» Ұлттық басқару холдингі» АҚ басқарма төрағасы Қуандық Бішімбев ОКҚ-да хабарлады.

«Наурыз мейрамы қарсаңында 20 наурызға қарай «Бәйтерек» холдингі «Нұрлы жол» бағдарламасының алғашқы қатысушыларына жаңа пәтерлердің кілттерін тапсырады», - деп атап өтті Қ. Бішімбаев.

Аталып өткендей, холдингтің еншілес құрылымы және бағдарлама операторы Қазақстандық ипотекалық компаниясы әкімдіктермен бірлесіп үйлерді кезекте тұрғандар арасында үйлестіру жұмыстарын жүргізуде.

Сонымен, наурыз айында 1357 пәтер ұсынылып отыр, олардың ішінде 516-на әкімдіктер жолдама берсе, 210-ын ҚИК мақұлдады.

«Өз кезегінде қалған үміткерлермен жұмыстар жалғасуда. Аталмыш сандар әр үш сағат сайын жаңаруда. Ал, ҚИК өтініштерді 2-3 күн ішінде жылдам қарастыруда», - деп мәлімдеді холдинг басшысы.

Айта кетерлік жайт, әлеуметтік жалға берілетін баспаналарды бөлу барысында кезекте тұрған көп балалы отбасыларға, толық емес отбасыларға, мүгедек баласы бар немесе оны тәрбиелеп отырған отбасыларға, жетім балаларға, ата-анасының қамқорлығынсыз қалған балаларға, мемлекеттік қызметкерлер, әскери қызметкерлер, арнаулы мемлекеттік орган қызметкрелер, бюджеттік ұйым қызметкерлеріне басымдылық беріледі.

Осы ретте, берілетін баспананың 50%-ы кемінде үш жыл некеде тұрған, балалары бар және ерлі-зайыптылардың екеуі де 35 жасқа толмаған жас отбасыларға беріледі.

Естеріңізге сала кетейік, Мемлекет басшысы «Нұрлы жол - Болашаққа бастар жол» халыққа Жолдауында жалға берілетін тұрғын үй құрылысына көзқарасты қайта қарауды тапсырды. Сонымен қатар, 2015-2016 жылдар ішінде жалға берілетін тұрғын үй құрылысын қаржыландыруды қосымша 180 миллиард теңгеге ұлғайтты.

Индира Кауметова

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды