Қазақстанда 2015 жылы 490 мың шаршы метр тұрғын үй пайдалануға беріледі (ФОТО)

«2015 жыл бойы біздің холдинг 487 яғни 490 мың шаршы метр  тұрғын үйді пайдалануға бермек, ол 9 мың пәтер, яғни елдің 30 мың азаматын баспанамен қамту көзделіп отыр», - деді ол.

Қ.Бішімбаев атап өткендей, жалдамалы тұрғын үйдің орташа құны минималды дәрежеде бекітілген. «Бір метр жалдамалы тұрғын үйдің құны 800 теңге мен 1100 теңге арасында болады», - деді ол.

«Осындай есеппен Шымкент қаласындағы  25 шаршы метрлік 1 бөлмелі пәтер айына  20-22 мың теңгеге шығады. Бүгінде Қазақстанда статистика агенттігінің ақпараты бойынша, орташа айлық жалақы 100 мың теңгені құрайды. Бұл өте қолжетімді болып отыр», - деді ол.

Қ.Бішімбаев атап өткендей, екібөлмелі пәтер 40-45 мың теңгені құрайтын болады, ол үшбөлмелі айына 55-65 мың теңгеге тең.

Айта кетейік, наурыз-сәуір айларында Астанада 7 583 мың шаршы метрді құрайтын 86 пәтер пайдалануға беріледі. Алматыда – 708 пәтер, Қостанайда – 11 пәтер, Көкшетауда – 337 пәтер, Семейде – 120 пәтер.

Индира Қауметова

Суретке түсірген Азамат Әлиев