• Басты
  • Астанадағы V- «Стартап Форумына» 1000-нан астам кәсіпкер қатыспақ
10 Наурыз, 2015 12:42

Астанадағы V- «Стартап Форумына» 1000-нан астам кәсіпкер қатыспақ

Астанада өз кәсібін бастау мен дамыту бойынша ең ірі V- "Стартап Форумына" 1000 –нан астам кәсіпкер қатысуға ниет білдіріп отыр.
Астанадағы V- «Стартап Форумына» 1000-нан астам кәсіпкер қатыспақ

2015 жылдың  11- наурызында Астана қаласының кәсіпкерлер палатасы, «КАЗКА» Қазақстан Кәсіпкерлер қауымдастығы және Астана қаласы әкімшілігінің қолдауымен елордалық бизнес қауымның басын қосатын кең ауқымды шара - V- «Стартап Форум» өткізілмек, деп хабарлады қалалық кәсіпкерлер палатасы.

Аталмыш іс-шара –өз ісін бастауға қадам басқан жас іскерлерге арналған жан-жақты білім, байланыс және ашық ақпарат шоғыры ұсынылған ауқымды ақпараттық жоба. Бұл жоба – тек іскерлік байланысты қамтып қана қоймай, сондай-ақ бизнесті дамытудың конструктивті шешімін үйлестіретін мемлекеттік және қоғамдық құрылымдардың өзара қарым-қатынасының жаңа моделінің көрінісі.

 Форумға Астана қаласымен қатар еліміздің түкпір-түкпірінен 1000 –нан астам кәсіпкер қатысуға ниет білдіріп отыр.

Соңғы жылдарда Астана, Алматы, Шымкент қалаларында: 5000 қатысушы, 20 өзара тәжірибе алмасу, 30 бизнес-трениг, 10 000 астам екі жақты «Business to Business» кездесулер өткізіліп, сонымен қатар ірі ортақ жобалардың пайда болуына ықпал етілген.

Биылғы форум жаңаша серпінімен, өткен жылдардың сәтті тәжәрибесін ортаға салу, жас кәсіпкерлердің тырнақалды бағдарламалары мен жобаларын дамыту тетіктерін бірігіп талқылау және оларға қолдау көрсету, сондай-ақ бизнес кеңістігінде биік белестерді бағындырған көрнекті спикерлердің қатысуымен ерекшеленбек.

 

Барлық жаңалықтар