Көкшетауда «Қазақстанда жасалған» акциясы аясында ауыл шаруашылығы тауарларының жәрмеңкесі өтті

ІСБ хабарлағандай, жәрмеңкеге қатысқан аймақ басшысы С. Кулагин, дүкен сөрелерін аралап көріп, азық-түлік бағаларына баса назар аударды. Жәрмеңкеге Бұланды, Бурабай, Зеренді аудандарының және Көкшетау қаласының шаруагерлері қатысып, 42 өнім түрін ұсынfылды. Оның ішінде: ет және шұжық өнімдері- 32,2 тонна, балық - 1,8 тонна; жұмыртқа – 31,5 мыңдана, сүт және сүт өнімдері – 7 тонна; ұн – 13 тонна;картоп – 12 тонна; көкөніс – 9 тонна;жарма өнімдері – 2  тонна; қант – 1 тонна; өсімдік майы -3,8 мың литр.

Отандық өнім өндірушілері тауарларының құны, нарықтық бағамен салыстырғанда 20-25% арзан болды. Жалпы осы күні барлығы 42,8 млн. теңгенің 115,6 тонна өнімі сатылады деп жоспарлануда.

Атап өту керек, осы күні Көкшетау қаласының ірі сауда орталықтары мен шағын маркеттерде «Қазақстанда жасалған» акциясы аясында  отандық өнімдер қойылған сөрелерге арнайы ақпараттық тақтайшалар ілінетін болады. Жәрмеңкеге қатысушыларға мерекелік концерт ұсынылып, түрлі ойындар ұйымдастырылды.