ИИДМБ: Жамбыл облысында құнды металдарды балқыту жұмыстары жетіліп келеді
10 Наурыз, 2015 11:06
Жамбыл облысында құнды металдарды балқыту өндірісі қарқын алып, аталмыш саланың қуаты жылына 500 кг доре ерітпесін құрап отыр.
Жамбыл облысы әкімдігінің ішкі саясат басқармасының ақпараттары бойынша, Жамбыл облысының Қордай ауданында тау-кен өндірісі жанданып келеді. 2014 жылы аталмыш ауданда құны 2 100,0 миллион теңгені құрайтын құнды металдарды балқыту бойынша «Central Asia Gold Production» өндіріс кешені жобасы іске қосылған болатын. Жобаның қуаты жылына 500 кг доре ерітпесін құрайды.
Жоба іске қосылған кезде 150 жұмыс орны ашылды, ал кешенді салу кезінде 76 адам жұмыс істеді. Айта кетейік, мемлекеттік қолдау шараларының аясында және «Бизнестің жол картасы-2020» бағдарламасы бойынша 3 750 миллион теңге несиенің сыйақы ставкалары субсидияланды.
