Астанада Қазақстан, Беларусь және Ресей мемлекеттерінің Президенттері кездеседі
9 Наурыз, 2015 14:18
Астанада Беларусь, Қазақстан және Ресей Федерациясы мемлекеттері Президенттерінің үшжақты кездесуі жоспарланған, деп хабарлайды Ақорданың баспасөз қызметі.
«11 наурызда Астанада Мемлекет басшысы Нұрсұлтан Назарбаевтың қатысуымен «Нұр Отан» партиясының XVI съезі өтеді және оған еліміздің барлық аймақтарынан 1 мың 200 делегат қатысады. 13 наурызда Қазақстан, Беларусь және Ресей Федерациясы Президенттерінің үшжақты кездесуі жоспарланған», - делінген хабарламада.
Мемлекет басшылары кездесу барысында үш елдің сауда айналымын тереңдету мен мемлекеттердің экономикалық тұрғыдағы қарым- қатынастарын жетілдіру мәселелерін талқыға салады. Бұған қоса Президенттер әлемдік экономикадағы үрдістер мен Украинадағы жағдайды талқыламақ.
