Ақмола облысындағы мүгедек балалар аналарын мерейлі мерекесімен құттықтады (ФОТО)
Концертте мүгедек балалардың өздері өнер көрсетті, олар мүмкіндігі шектеулі болғанына қарамастан би билеп, өлең айтуға келгенде өте талантты.
«Салтанатты кеш балаларға ғана емес, үлкендерге де қатты ұнады. Бұл аналар ешқашан мұндай кештерге шақырылмаған, сондықтанда біз олар үшін осындай бағдарлама жасауды жөн көрдік. Балалардың бақыттан бал-бұл жанған жүздеріне қарап отырып мереке жақсы өтті десе болады», - деп ағынан жарылды Аршалы ауданы жұмыспен қамту және әлеуметтік бағдарламалар бөлімінің бастығы Гүлзада Жекебаева.
Мүмкіндігі шектеулі балардың барлығы демеушілерден сыйлықтар алды.
Жалпы, бұл шарадан балалар мен қатар үлкендер де үлкен бақытқа кенелді, олардың көңілдері көтеріліп, жаңа достар тапты, өздерінің қаншалықты өнерлі екеніне көз жеткізіп, қоғамның бір мүшесі екенін сезінді.
