• Басты
  • Біздің әйелдер кез-келген іс пен түрлі мамандықты дөңгелетіп әкетеді - Есімов (ФОТО)

Біздің әйелдер кез-келген іс пен түрлі мамандықты дөңгелетіп әкетеді - Есімов (ФОТО)

8 Наурыз, 2015 10:03
Алматыда Халықаралық әйелдер күні 8 наурызға арналған мерекелік концерт өтті. Қала басшысы Ахметжан Есімов қала әйелдерін мерекемен құттықтады, деп хабарлады қала әкімдігі.

Алматы әкімі әйелдердің  экономиканы, білім мен денсаулық сақтауды, ғылым мен спортты және  мегаполистің басқа  да салаларын дамытуға қосып отырған орасан үлестерін ерекше атап өтті. Мысалы, бүгінгі күні мегапоистегі компаниялар басшыларының үштен бірі әйелдер, жеке кәсіпкерлер арасындағы әйелдер саны 50% дан астам.

«Әйелдер еңбек ететін барлық саланы атап өту мүмкін емес. Біздің әйелдер кез-келген іс пен  түрлі мамандықты дөңгелетіп әкетеді деп айтуға болады. Қаламыздағы үш мыңға жуық «Алтын алқа» мен «Күміс алқа» таққан көп балалы аналар үлкен құрмет пен алғысқа лайық. Сіздердің және бала деген аналық махаббаттарыңыздың арқасында біздің  демографиялық өсу қарқынымыз жоғары», - деді Ахметжан Есімов.

Сонымен, 2014 жылы қала тұрғындарының саны 6%-ға өсіп, 41,6 мың сәби өмірге келді.

Мегаполис басшысы ең алдымен Ұлы Отан соғысына қатысқан ардагер аналардың алғашқылардың бірі болып құттықтаулар қабылдағанын, қалада  олардың саны 157 екенін жеткізді. 2015жылдың басынан бері Алматыдағы әйелдер саны қала халқының 54,4% -ын құрайтынын айтты.

Шара соңында Алматы әкімі қаланың барлық аруларын мерекемен құттықтап, оларға мықты денсаулық,  баянды бақыт тіледі. 

Барлық жаңалықтар