7 Наурыз, 2015 14:33

«Нұрлы жол» бағдарламасын жүзеге асыру үшін Ұлттық қордан бөлінетін мақсатты трансферттер көлемі арттырылды

ҚР Парламенті Сенатының пленарлы отырысында 2015-2017 жылдарға арналған республикалық бюджетке енгізілетін түзетулер бір ауыздан мақұлданды.

Сенаттың хабарлауынша, экономика салаларының 2014 жылғы дамуының алдын ала деректерін және негізгі экспорттық тауарларға әлемдік тауар нарықтарындағы ағымдағы ахуалды ескере отырып, Қазақстан Республикасының әлеуметтік-экономикалық дамуының 2015-2019 жылдарға арналған болжамын түзету 2015 жылға арналған республикалық бюджетті нақтылау үшін негіз болып табылады. Биылғы 11 ақпандағы Үкіметтің кеңейтілген отырысында Мемлекет басшысы Н.Ә.Назарбаев алға қойған тапсырмаларына сәйкес «Нұрлы жол» мемлекеттік бағдарламасындағы дағдарысқа қарсы жаңа шараларды іске асыру үшін Ұлттық қордың нысаналы трансферттері ұлғаятын болды.

Сенаторлар А.Күзеков, В.Бобров, Б.Еламанов, С.Бектұрғановтың бюджетті жоспарлауды жетілдіру, сыртқы қарызды жабу, сондай-ақ көлік инфрақұрылымын, тұрғын үй қатынастары саласы жөніндегі сауалдарына дамыту премьер-министрдің бірінші орынбасары Б.Сағынтаев, қаржы, инвестиция және даму министрлері жауап берді.

Үкіметтің дағдарысқа қарсы шараларын қолдау тұрғысында сенаторлар Е.Сағындықов, М.Көбенов, В.Редкокашин, О.Перепечина, Ә.Бектаев сөз сөйледі.

Қазақстан Республикасы Парламенті Сенаты Төрағасының ұсынысы бойынша Б.Мелдешов пен Л.Сүлейменді Қазақстан Республикасы Орталық сайлау комиссиясының мүшесі лауазымына бес жыл мерзімге тағайындады.

Палата бірқатар халықаралық құжаттарды, атап айтқанда: 2010 жылғы 9 желтоқсандағы Қазақстан мен Ресей Үкіметтері арасындағы Қазақстан Республикасына мұнай және мұнай өнімдерін жеткізу саласындағы сауда-экономикалық ынтымақтастық туралы келісімге өзгеріс енгізу туралы хаттаманы; Халықаралық әуе тасымалдарының кейбір қағидаларын біріздендіруге арналған конвенцияны және Халықаралық Валюта Қоры Келісімінің Баптарына түзетулерді ратификациялады.

Депутаттар Қазақстан Республикасының кейбір заңнамалық актілеріне сақтандыру және исламдық қаржыландыру мәселелері бойынша түзетулерді бірінші оқылымда мақұлдады. Бұл мәселе бойынша Л.Тұрлашов, Б.Бекназаров және Б.Әйтімова өз ескертпелері мен ұсыныстарын айтты.

Сенаторлар Қазақстан Республикасының кейбір заңнамалық актілеріне денсаулық сақтау мәселелері бойынша түзетулерді қабылдады. Құжат денсаулық сақтау саласындағы мемлекеттік реттеуді және басқаруды жетілдіруге, халықтың денсаулығын нығайту мен өмір сүру ұзақтығын ұлғайтуға, денсаулық сақтау саласы кадрлық ресурстарының әлеуетін арттыруға, дәрілік саясатты жетілдіруге бағытталған.

Халықаралық әйелдер күні қарсаңында Сенат Төрағасы Қ.Тоқаев сенаторлар Б.Әйтімованы, Л.Полторабатьконы және О.Перепечинаны келе жатқан мерекемен құттықтады. Сенат Төрағасы парламентаризмді және мемлекет құрылысын дамытудағы зор үлесін атап өтті.

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды