• Басты
  • Талдықорған «Қазақстан халқы Ассамблеясы - 20 ізгі іс» эстафетасын қабылдады

Талдықорған «Қазақстан халқы Ассамблеясы - 20 ізгі іс» эстафетасын қабылдады

7 Наурыз, 2015 12:44
«Қазақстан халқы Ассамблеясы - 20 ізгі іс» эстафетасының символы Тайқазан Алматы облысына келіп жетті, деп хабарлайды Алматы облысы әкімінің баспасөз қызметі.

Талдықорған қаласындағы «Достық үйіне» келген киелі тайқазанды қарсы алу рәсімі салтанатты түрде өткізіліп, шараға әртүрлі ұл өкілдері, этно-мәдени орталықтар мен бірлестіктердің жетекшілері, мүшелері және қала тұрғындары қатысты.

««Қазақстан халқы Ассамблеясы - 20 ізгі іс» эстафетасын біз Жамбыл облысынан қабылдап алдық. Осы ырыс, берекенің нышаны Тайқазанның жер жаннаты Жетісу жеріне келгеніне қуаныштымыз. Ағымдағы жылы осы шара аясында облыс көлеміндегі мүмкіндігі шектеулі жандар мен аз қамтылған отбасыларға көмектер көрсетіліп, ардагерлер мен қарттарға жан-жақты қолдаулар ұйымдастырылатын болады. Мұндай істер осымен жалғаса бермек», - делінген хабарламада.

Естеріңізге сала кетейік, қасиетті тайқазан ағымдағы жылдың 14 наурызында Алматы облысынан Оңтүстік Қазақстан облысына жөнелтіледі.

Барлық жаңалықтар