Қаламызды көркейтіп жатқан нәзік жандылардың жұмыстарына зор сенім білдіріп, алғыс айтамын – Жақсыбеков
«Ардақты ханымдар, сіздер жақсылықтың, жылулықтың, нәзіктік пен махаббаттың нышанысыздар. Балалардың тәрбиесі, үйдің береке-бірлігі сіздердің арқаларыңыз. Осының бәрін сіздер қызметпен оңай ұштастыра аласыздар, сіздер әрдайым сұлу және сүйкімдісіздер, - деді құттықтау сөзінде қала әкімі.
Бұдан басқа, Әділбек Жақсыбеков елорданың дамуына қосқан сүбелі үлестері мен күнделікті табанды еңбектері үшін әйелдер қауымына ризашылығын білдірді. «Қаламызды көркейтіп жатқан сіздердің жұмыстарыңызға зор сенім білдіріп, алғыс айтамын. Көктемнің осы шуақты күнінде сіздерге мықты денсаулық, барлық бастамаларыңызға табыс, отбасыларыңызға береке тілеймін, - деді әкім.
Астана қаласы әкімінің аппаратында 517 әйел қызмет атқарады,олардың 189 басқарушы қызметте, 328 – мамандар. Оларды құттықтауға осы күні нәзік жандыларға гүл шоқтары мен музыкалық сыйлықтар жасаған әкімдіктің барлық ер азаматтары жиналды.
